Accueil Tribunes L’enjòc occitan per tolosa

L’enjòc occitan per tolosa

Las eleccions municipalas son un enjòc per desvolopar l'occitan a Tolosa e Tolosa Metropòli. Amb Toulouse Vert Demain.

Donatz un mandat politic a las elegidas e los eligits novèls per aprigondir la
politica lingüistica occitana que foguèt mesa en plaça per Jean-charles Valadier lo nòstre elegit en carga de la lenga e cultura occitana.

Amb Toulouse Vert Demain, al long dels 6 ans de la mandatura futura, la preséncia de l'occitan al costat del francés deu devenir naturala.

 tolosa

Faire de l'occitan una competéncia de Tolosa Metropòli

Toulouse Vert Demain propausa una direccion occitana amb de mejans especifics dins Tolosa Metropòli. Un plan d'accion transversal es establit dins totas las direccions de Tolosa Metropòli per la visibilitat de la lenga e cultura occitana : senhaletica, acuèlh, subvencions, accions publicas, formacion, educacion, seniors, petita enfància, torisme...

Un investiment conjunt amb la region, lo departament e l’estat deu permettre de bastir :

  • un segond site subre l'aglomeracion per las associacions del ostal de l'Occitània, mai que tot per la formacion dels adultes.

  • una tresena Calandreta subre l'aglomeracion e un collègi Calandreta.

La mission del conservatòri occitan es redefinit per participar a la politica de Tolosa Metropòli d'initiacion e difusion de la lenga e cultura occitana.

Un projècte educatiu per tots

Amb Toulouse Vert Demain, una convencion nòva entre Tolosa Metropòli e lo rectorat afortís l'obertura de doas filièras bilingüas per an tant coma una tresena Calandreta e un collègi Calandreta subre l'aglomeracion.

Un plan de formacion professionala volontària dels agents municipals a la cultura e a la lenga occitana permet la sensibilizacion a l'occitan dins las activitats periescolaras de las 200 escòlas tolosanas, amb l'intervencion d'artistas occitans (contaires en prioritat). L'occitan es valorizat dins las bibliotècas.

Socializacion de la lenga

Amb Toulouse Vert Demain, la senhaletica bilingüa serà progressivament generalizada dins totas las carrièras e los edificis publics e totas las
anòncias sonòras seràn bilingüas dins los mètros, tramvais, bus,
estacions...

Una collaboracion a l'escala occitana

Amb Toulouse Vert Demain, Tolosa Metropòli senharà una convencion amb l'Ofici interregional per l'Occitan per participar a la normalizacion lingüistica a l'escala del territòri occitan : espleits informatics de correccion e traduccion, arquivas istoricas subre tota l'Occitània... E mai, Tolosa e Barcelona collaboraràn subre la basa explicita de la proximitat culturala e linguistica : escambis escolars, esportius, culturals e economicas .

 tlseoccitan

Jean-Charles VALADIER, adjoint au maire en charge de la langue et culture occitanes

Laisser un commentaire

*