Accueil occitan L’economia circulara, un sistèma ecologic e collaboratiu.

L’economia circulara, un sistèma ecologic e collaboratiu.

Lo 17 de genièr, FML ( deputat de las Bocas de Ròse) venguèt discutir amb nosautres d'economia circulara.

En veire la diminucion rapida dels estòques de primièras matièras mentre que la populacion creis dins lo monde, dins un sistèma d'economia lineara basada sul consum excessiu de las primuèras matièras ( extraccion, produccion, rebuts) EELV estima indispensable de se questionar e d'assabentar sus de modèls novèls per arrestar un sistèma qu'atariguèt las ressorças e polluiguèt nòstre ambient natural.

mix2

 Nos cal donc èsser mens dependents des las primièras matièras existentas en reduire lor extraccion, mai d'un còp causa de pollucion, tot en tornar lançar l'emplèc e en preservar l'ambient natural.

 

Mantunas pistas :
- La luta contra l'obsolescencia programada.
Utilizacion dels objectes e dels aparelhs lo pus de temps possible, lo manteniment, la reparacion, l'utilzacin de nòu.

-La recobrança de las materias ja aprofechadas.

-L'economia de foncionalitat o d'usatge : puslèu que crompar un ben, se crompa lo servici que balha.
Exemple : Autolib per las veituras.
La valor d'un produch se tròba dins sa foncion.

-L'agençament del territòri, en considerar lo flus de las primièras matièras e dels rebuts : atal, los rebuts d'una industria pòdon èsser la matièra compausanta d'una autra industria, posicionada prèp de la primièra per reduire los transpòrts.

 

- Mai de concertacion, d'escambis, de partiment, per melhor administrar los besonhs e los servicis, arrestar los degalhatges, e aumentar lo temps de vida dels objectes manufacturats.

 

Aquel sistèma limita las primièras matièras utilizadas, recor a las energias renovelablas, fòrabandís los produches toxiques.

 

L'economia circulara permet lo desvolopament economic local e entraïna la creacion d'emplècs que se pòdon pas delocalizar.

Favoriza un consum rasonat e tornamai localizat, sosten las activitats industrialas e agricòolas dins los territòris e desvolopa novelas filièras dedicadas a la reparticion, tornamai a l'emplec e a la recobrança.

 

Aquò, permetriá de realizar una economia neta minimala de 380 miliards de dolars cada annada per las primièras matèrias en Euròpa mentre qu'ara, lo consum en Euròpa es de 20 tonas per estatjant e per an.

A Tolosa, pendent aquela serada, l' Antòni Maurice e los membres de la lista Toulouse Vert Demain soslinhèron que caliá nomenar un elegit en carga de las ressorças necessarias a la vila e un delegat a l'economia circulara a Tolosa Metropòli.

Lor tòca seriá d'organizar çò que jamai foguèt fait duscas a uèi dins la collectivitat :

 

- una reflexion globala pertocant las ressorças necessarias per la collectivitat ( reduire los consums, cercar de provesiment local...) per ne far una collectivitat exemplara.

 

- una vertadièra estrategia de desvolopament a l'entorn de l'economia circulara, amb un trabalh dins las zònas de desvolopament economic per anar cap a aquel objectiu d'entrapresas complementarias

( los rebuts de las unas = ressorças per las autras)

 

- una mesa en sinergia de totas las iniciativas ciutadanas e economicas non organizadas que fan aquela economia circulara collaborativa.

 

Lo modèl de desvolopament actual s'agota. Sapiam prepausar alternativas e lor balhar amplor.

 

Laisser un commentaire

*