Accueil occitan PPRT Heraklès : los risques demòran !

PPRT Heraklès : los risques demòran !

Un avis favorable, es la conclusion del comissari enquestaire cargat de l'enquèsta publica subre lo Plan de Prevencion dels Risques Tecnologics (PPRT) de l'usina Héraklés.
Cal se remembrar que la fabrica auriá degut se dotar d’un PPRT dempuèi lo 31 de Julhet de 2008. Èra precisament la data limit fixada per lo legislator dins la lei « AZF ». Dempuèi 6 ans, los ecologistas interpelavan l'Estat subre l'illegalitat d'aquesta situacion qui pareissiá èsser caucionada per las autoritats de l'Estat.

Aqueste avis favorable s'acompanha ça que la de fòrça resèrvas e recomandacions insufisentas en comparason amb los enjòcs. Lo risc demòra, e sempre al còr de l'aglomeracion. Aqueste PPRT non coneis pas lo principi de precaucion, car en s'apuèja subre d'ipotetics dispositius de securitat que l'industria establiriá dins lo futur, alara que deuriá prendre en compte sonque las installacions qu'existisson.

Per Toulouse Vert Demain, una politica de prevencion dels risques industrials, sanitàrias e ecologics deu ésser establida dins nòstra ciutat e subre l'aglomeracion. Atal, e mai se los PPRT non son pas estats concebuts per lo transferiment de las activitats industrialas a risc en defòra de las zònas urbanas, aquesta opcion deu ésser estudiada per aquesta fabrica, tal coma per lo site Esso de Fondeire.

Es ora d'apréner amb la catastròfa industriala d’AZF.

Laisser un commentaire

*