Accueil occitan Publicacion de la resèrva parlamentària : un progrès per la vida publica

Publicacion de la resèrva parlamentària : un progrès per la vida publica

Dimècres 29 genièr, l'Amassada Nacionala a publicat el despartiment de la « sèrva parlamentària » dels deputats(tadas). Es una prumièra, e un progrès per la transparencia de la vida publica.

De fach fins ara, l’utilizacion d’aquests crèdits sostraits al budgèt de l’Estat e atribuits pels deputats e senators a de colectivitadas o d’associacions coma ajuda per finançar lors projectes era bravament opaca : degun conéissiá pas la soma que cada deputat aviá, a mai òm dispausavá de cap listas dels projectes sostenguts.
Ça que la, lo montant d’aquesta resèrva
n’èra pas de negligir : 9O milions cada annada per l’Amassada Nacionala, 58 pel Senat !
Aquesta realitat mantèni
á un sospiech de « clientélisma »  força marrit per nóstre democracia, mai que mai a l’ora ont nos conciutadans se desfisan dels politics.

Pertocant aquest sicut, los ecologistas son estats a l’avantgarda.
En 2011, avian despausat una proposicion de lei que la mira èra de tornar publiqua l’utilisacion de la sèrva parlamentaria. Rebutada per la majoritat UMP d’aquests temps, la proposition èra pas estada adoptada.

Al mès de febrièr 2013, los deputats an anticipat sul l’engajament pres pel president de l’Amassada, tot en complissant la transparéncia per ço qu’es la sèrva de lor grop. Los deputats (-adas) EELV an tanben decidit de mutualizar una partida dels fons de 130000 euros balhats a cadun. Aquest bias de far permet atal de destriar mai clarament ço que pertoca al sosten collectiu balhat als projectes d’associacions o fundacions nacionalas.


Aital, per l’annada 2013, 29 associacions nacionalas an aprofitat, en tota transparencia d’una soma globala de 309 500 euros.

Lo grop local EELV Tolosa aviá tanben mostrat lo camin, en demandant als 15 elegits parlementaris de Nauta-Garona de dire publicament quina utilisacion volián far dels fonds de lora sèrva. Aquesta iniciativa aviá provocat de reaccions… reservadas. Me regaudissi doncs que l’iniciativa de l’Amassada Nacionala permetès d’ara endavant als Tolosins de saupre cossí los parlementaris de nòstre airal emplegan aquestes fons publics.

Un elegit municipal dispausa pas cap d’aquesta mena de resèrva. Per contre, pòt prene d’engatjaments davant els ciutadans. Ba ai fach lo 22 de febrièr : ai signat amb Michèle Bleuse, lo Partit Pirata e l’ensems de mos colistièrs la Carta Anticor per quala preni 9 engatjaments

  • Que i aguèsse pas de comol de mandats e de foncions executivas
  • Bonas praticas de gestion ,
  • Transparencia 
  • Reconèissença dels drets de l’oposicion
  • Participacion ciutidana
  • Publicitat d’informacions importantas sus la gestion locala
  • Exigència d’onestetat
  • Lucha contra lo trafic d’influéncia
  • Rigor dins la causida de los prestaires de fons a la collectivitat

A mon vejaire, la signatura d’aquesta carta èra a bèles uèhls vesents, pr’amor inventar un biais nou de far la politica es al còr del projecte ecologista. Es la condicion per tornar balhar l’esperença dins l’avenidor e tornar congrear una fisença entre elegits (-idas) e ciutadans (-danas).

Laisser un commentaire

*